Lehen jokoa doi-doi irabazi zuten Apezetxeatarrek (10-9) eta bigarrena erraz galdu zuten (2-10). Baina hirugarren joko erabakigarrian 5-1 irabazi eta garaipena lortu zuten.
Espainiako klub arteko pilota txapelketako ohorezko mailan lehen partida irabazi du Goizuetako Umore Onak
Banakako partida galdu arren, binakakoa irabazi zuten Apezetxeatarrek igande goizean Goizuetan
Joan den urtean lehen mailan txapeldun izan eta mailaz igo ondotik, Espainiako kluben pilota txapelketako ohorezko mailan ari da Goizuetako Umore Ona elkartea. Urtarrilaren 12ko lehen jardunaldian, bi partidak, banaka nahiz binaka, galdu egin zituen Baños del Rio Tobian (Errioxa), Barberito taldearen kontra. Igande goizean, berriz, etxeko lehen jardunaldia jokatu zuten jendez gainezka zegoen Goizuetako pilotaleku berrituan. Banaka 2-0 galdu zuen Umore Onako pilotariak, Eñaut Lizeagak, Huarteko Ekhi Irribarriaren kontra (6-10 eta 4-10). Binaka, aldiz, ohorezko mailako lehen garaipena lortu zuten Umore Onako Beñat Apezetxeak eta Antton Apezetxeak, Huarteko Eneko Yoldi eta Aratz Irazustabarrenari irabazita.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun