Gazte mailan, berriz, Markel eta Julen Salaberria anaiak txapeldunorde izan ziren Tolosako txapelketa famatuan
Tolosako Beotibar pilota plazan Migel Soroa zenaren omenez jokatutako XI. Ogi Berri pilota txapelketako finalak jokatu zituzten urtarrilaren 4an. Bertan hiru pilotari goizuetarrek jokatu zuten, Markel eta Julen Salaberria anaiek gazte mailan, eta Beñat Apezetxeak elite mailan.
Markel eta Julen Salaberriak, partida on bat jokatu ondotik, 18 eta 15 galdu zuten Julen Etxaniz eta Hugo Figueroaren aurka.
Elite mailan, Beñat Apezetxeak eta Aratz Irazustabarrenak, 22 eta 18 irabazi zieten Eñaut Lizeagari eta Aingeru Bernaolari.
Elite mailako pilotari onenaren saria ere Beñat Apezetxeak jaso zuen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.