Errege bezperan erregionaleko futboleko derbian berdindu egin dute Baztanek eta Aurrerak

Eskualdeko kirol talde gehien gehienek Eguberrietako atsedena baldin bazuten ere, asteburu honetan Nafarroako erregionaleko lehen mailako jardunaldia jokatu dute. Gainera, Elizondoko Giltxaurdin derbia jokatu zuten errege bezperan Baztanek eta Aurrerak. Leitzarrak aitzineratu ziren lehen zatiaren bukaeran, baina baztandarrek berdindu egin zuten bigarrenaren hasieran eta horrelaxe bukatu zen partida: bana. Heldu den asteburutik aitzinera, berriz ere lehiara itzuliko dira eskualdeko kirol talde guztiak.