'Bidezko txokolatearen ibilbidea' ezagutzeko aukera Leitzako liburutegian

Bidezko txokolatearen ibilbidea ezagutzeko aukera izanen da datozen egunetan Leitzako liburutegian. Kakaoari buruzko erakusketa abenduaren 18ra arte bisitatzeko aukera izanen da, astez, 14:00etatik 20:00etara. Horrekin lotuta, bi ekitaldi berezi ere antolatu dituzte. Abenduaren 16an, 17:00etan, Kamishibai kontaketa ikusi eta txokolate magikoaren jolasean aritzeko aukera izanen dute zazpi eta hamalau urte arteko haurrek. Abenduaren 18an, berriz, txokolate kata eta bisita gidatua eginen dituzte 17:00etan. Ekitaldi hauetan parte hartu nahi dutenek aldez aurretik eman beharko dute izena.