Aranon eta Areson, udalek deituta, Ez da antzerkia, indarkeria bikarioa da lelopean egin zituzten elkarretaratzeak 18:30ean. Kontzejuko atarian bildu ziren Aranon eta plaza zaharrean Areson.
Goizuetan, Ez bazara konponbidea, arazoa zara leloa hartuta kalejira egin zuten plazatik abiatuta eta ondoren, txokolatea banatu zuten.
Leitzan, eskola eremuan hasi zituzten mobilizazioak eguerdian. 13:30ean Zaindu nazazu, zainduko zaitut ekitaldia egin zuten Erleta eskolan, eskolak eta Amazabal Institutuak antolatuta. 14:00etan Bortxatzen gaituztelako bortitzak gara lelopean manifestazioa egin zuten, Amazabal institutuko Batzorde Moreak antolatuta. Iluntzean, Lañaidek deituta, elkarretaratzea egin zuten 19:00etan. Ez gaituzue izutuko. Guk autodefentsa feminista lelopean jende ugari bildu zen.