Urriaren 19an Euskal Herriko gaztetxe eta gazte asanbladen topaketak egin zituzten Leitzan. 150 pertsona inguru bildu ziren Autogestioa saretu, etorkizuna okupatu lelopean, elkar ezagutu, gogoeta egin eta bide berriak elkarrekin lantzeko.
Goizean formakuntzarako tartea hartu zuten eta bertako produktuekin egindako bazkari begano goxoa jan ondotik, arratsaldean, tailerrak, mahai inguruak eta hitzaldiak izan zituzten. Iluntzean, mobilizazio jendetsua egin zuten herrian. Gauean bertako abeltzainek hanburgesak prestatu zituzten eta goizaldeko ordu txikiak arte luzatu zen festa. Kontzertuetan zein ondorengo festan jende asko ibili zen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.