112 larrialdi zerbitzuak 11:30ean jaso du istripuaren berri, eta Cordovillako suhiltzaileak, Goizuetako suhiltzaile boluntarioak, Goizuetako mediku taldea, Suhiltzaileen Erreskate Teknikoko Taldea, erreskate helikopteroa eta Foruzaingoaren patruilak bertaratu dira ezbeharraren tokira.
Helikopteroan joan diren erreskate taldeko kideak istripuaren tokitik hurbil lurreratu dira, eta ehiztaria erreskatatu dute Goizuetako suhiltzaile boluntarioen laguntzarekin. Tokian bertan Goizuetako mediku-erizainek artatu dute eta, berehala, anbulantzia batean eraman dute Donostia Ospitalera, pronostiko larriko politraumatismoekin.
Foruzaingoa ari da ezbeharraren eginbideak bideratzen.
