Ados Pilota Elkarteak antolatutako Udara Caixabank txapelketaren final handia jokatu zuten larunbat arratsaldean Iruñeko Labrit pilotalekua. Iera Agirre Iturriaga leitzarrak eta Naroa Agirrek 22-16 irabazi zieten Natale Aranbururi eta Maite Ruiz de Larramendi Mujikari.
Udara Caixabank txapelketa izan da aurtengo uda garaiko berrikuntza esanguratsua. Izan ere, gizonezko profesionalek masterra jokatzen duten moduan aurten emakumezko profesionalentzat ere ate berria ireki dute, Caixabanken babesletza lehen aldiz lortuz.
Gares, Azkoien, Lantaron, Mendigorria, Latasa, Etxarri, Agoitz, Leitza, Arantza, Kanpezu, Zeberio, Donostia eta Elgetatik pasa ondotik larunbatean Labriten bukatu zen maila handian jokatu den txapelketa.