Leitzaldetik Donostiara doazenei, GI-2130 errepidetik (Tolosa-Leitza) joatea gomendatu diete eta Iruñera doazenek, Leitza eta Uitzi arteko errepidea (GI-2135) erabil dezakete. Ibilbide luzeko joan-etorrien kasuan, N-1 errepidea hartzea eta Altsasutik joatea gomendatu dute.
Tuneletako lanak egiten dituzten bitartean, zirkulazioa kontrako hodietara desbideratuko da. By-passa lanak bukatu arte egonen da jarrita, eta aurreikuspenen arabera, datorren urteko udaberrian izanen da hori. Gainera, 3 metroko zabalera edo 4,5 metroko altuera gainditzen duten ibilgailuek, ibilgailu bereziek eta salgai arriskutsuak garraiatzen dituztenek debekatuta izanen dute bertatik pasatzea.