Ekimena ez da hutsetik sortu. Goizuetako noka berreskuratzeko, Oihana Lujanbio herritarra lantzen ari den ikerketa proiektuaren parte da. Lujanbiok azaldu ditu ekimenaren nondik norakoak: «noka praktikatzeko saioak izanen dira, abiapuntu teoriko batzuk landuta, baina praktikara bideratuta». Parte hartzeko aurretik noka jakitea ez dela beharrezkoa argitu du: «noka ikasteko, hitz egiteko eta hausnartzeko gogoa izatea behar da bakarrik. Bereziki emakumeak ditut nik burutan, beraiekin egin nahi dut lanketa, baina gizonezkoak etortzen badira ere ongietorriak izanen dira. Beraiek noka aritzea ere behar dugulako, guk noka aritu ahal izateko. Ikastaroa noka lantzekoa izanen da, ordea, ez toka».
Praktikaz gain, hausnarketarako bidea ere ireki nahi dute: «zergatik galdu da emakumeena? zer gertatu da horretarako?» galderei erantzuten saiatuko dira feminismotik.
Izen ematea irailaren 13ra arte
Parte hartu nahi dutenek irailaren 13a baino lehenago eman beharko dute izena Euskara Zerbitzuan: 948 51 08 14 telefonora deitu edo laga@iparmank.eus-era edo 660 99 08 36 telefonora mezu bat idatzita.