Anari
Anari Alberdi (Azkoitia, 1970) euskal musikaren ahots pertsonaleneteko bat da, 1996an bere lehen diskoa, Anari, argitara eman zuenetik. Orduz geroztik, Habiak, Zebra, Irla izan, Zure aurrekari penalak, Epilogo bat eta Leitzan aurkeztuko duen Giza Zarata argitaratu ditu. Azken hau 2024 urte hasieran grabatu zuen, Kadizko Puerto Santa Mariako Paco Loco estudioan eta Joaquin Pascualekin batera moldatu eta produzitu zuen.
Euskal Herriko ahots nagusienetako bat ez ezik, bere hitzen balio poetiko eta literarioagatik euskal literaturaren panoraman ere leku berezia ematen diote Anariri. Berriki bere lehen bi liburuak argitara eman ditu: Gari eta goroldiozko eleberria (Susa, 2022) eta Demoliciones controladas (Pepitas, 2023), bere kantuen hitzen itzulpena.
Anariren ahots eta gitarrarekin batera, Xabier Olazabal (baxua), Ander Mujika (gitarra elektrikoa eta ahotsa), Mariano Hurtado (teklatuak), Xabi Etcheberry (gitarra, teklatuak eta ahotsa) eta Mikel Txopeitia (bateria) izanen dira Leitzako plazako oholtzan.