Aresoko plazatik abiatuko da mendi martxa 08:00etan eta Ulimendiko bidea hartuko dute Ulizarko gainera ailegatu aurretik. Handik aurrera Merkuzelai, Urkita, Pagozelai eta Guratzetik pasa beharko dute mendizaleek. Proba ez da lehiakorra izanen eta antolatzaileek zailtasun ertainekoa dela adierazi dute.
Aresoko Mendi Martxaren XV.edizioa eginen dute igandean
Iraileko lehenbiziko igandean, mendizalez beteko dira Aresoko tontorrak. Hamabosgarren edizioa izanen da aurtengoa eta beste behin ere, auzolanean, mimoz, antolatu dute herritarrek. Parte hartzaileek 23 kilometroko ibilbidea osatu ondotik, kamiseta bat jasoko dute opari eta paella jateko aukera ere izanen dute. Izena ematea online egin daiteke abuztuaren 31ra arte, hamabost euroren truke eta egunean bertan ere modua izanen da, hogei eurotan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun