Uharte Arakilgo Artzain Egunaren baitan, Nafarroako Artzain Txakur Lehiaketa egin zuten igandean eta eskualdeko ordezkariak ez ziren esku hutsik bueltatu. Aresoko Antonio Alustizarentzat izan zen txapel beltza, bere ibilbideko hogeita bigarrena eta Bat txakurrarekin lortutako lehenbizikoa. Oronoz Mugairiko Jorge Oteiza izan zen bigarren, Lagun txakurrarekin. Biek lortu dute irailaren 14an Bizkaiko Axpen jokatuko den Euskal Herriko txapelketarako txartela. Argazkiak: Uharte Arakilgo Artzain Eguna
Txapela lortu berritan, pozik ageri zen aresoarra: «gaurkoan lana ongi egiteko guztia alde izan dugu. Ardiak, eguraldia... eta ikusleek erakustaldi txukun bat ikusteko aukera izan dute. Lehiatua egon da, baina azkenean zortea izan dut, txapela lortu ahal izan dut eta oso pozik nago».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.