Lagunartekoek sanpedroetan erabili zuten sistema ari dira erabiltzen eta aldez aurretik jakinarazitako egun eta ordu zehatzetan ari dira txartelak saltzen. Abuztuaren 4an, 18:30etik 20:00etara egongo dira plaza zaharrean. Abuztuaren 5ean, 18:00etatik 20:00etara; abuztuaren 6an, 11:30etik 13:30era eta abuztuaren 7an, 10:30etik 12:30era.
Abuztuaren 14an guraso elkartekoek prestatuko dute afaria. Urteroko menua errepikatuko dute: entsalada, zopa, txekor saiheskia piperrekin, postrea, kafea eta kopa. Sei eta hamasei urte arteko haurrek 13 euro ordaindu beharko dituzte eta helduek 22 euro. Atzeratzen direnek bost euro gehiago ordaindu beharko dituzte.
Herri bazkaria abuztuaren 18an izango da eta Sarayola cateringa arduratuko da. Helduek 32 euroren truke: entsalada, otarrainxkak baratxuriarekin, onddo saltsaz betetako penkak, bakailaoa piperradarekin, masailak saltsan, limoizko sorbetea edo etxeko flana izango dute bazkaritarako. Haurrek 12 euro ordainduta, makarroiak, oilasko bularkia patatekin eta danoninoa. Jatekoa kanpotik ekarri behar dutenez, egunean bertan ez dute txartelik salduko.