Nafarroako Gobernuak eta Cederna-Garalurrek hitzarmena sinatu dute aste honetan, turismora bideratutako eskualdeko hainbat proiekturekin aurrera egiteko. Tartean dago Leitzako Plazaolako geltokian aterpea eta ostatua egiteko proiektua eta bertatik bertara ezagutzeko, Nafarroako Gobernuko kultura kontseilariak, turismo arduradunak eta eskualdeko zenbait udal ordezkarik Plazaolako eraikina bisitatu dute. 852.244 euroko aurrekontua izanen dute lanek eta Cederna Garalurren bidez, Next Generation funtsekin finantzatuko dute.
2026ko udaberrirako lanak bukatuta izatea aurreikusten dute. Momentuz, birgaitze eta obra zuzendaritza proiektuaren erredakzioa lizitatu dute 66.115,70 euroko aurrekontuarekin. Cederna Garalurrek eta Nafarroako Gobernuak sinatu duten hitzarmena beste urrats bat dela uste du Leitzako Udalak proiektuarekin aurrera egiteko.
Bisitaren bukaeran, Zaindu Leitzaldeako kideek prestatutako mokadutxoa jateko aukera izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.