Ikasturte berrian, eskolarekin hartu-emanean segiko du eta urrira arte, hilean behin, eta urritik aurrera, bi astez behin joango da Harkaitz liburuz betetako kaxak hartu eta hamaika ipuin eta istorio kontatzera. Pasa den ikasturtean ostiraletan joaten zen Aresora, baina aurten asteazkenetan joateko asmoa duela aurreratu du. Eskolako haurrekin 12:30etik 13:45era egongo da.
Herritar guztientzat aukera
Liburutegi ibiltaria herritar guztientzat baliagarria izan daitekeen zerbitzua dela ikusita, aurten, eskolatik kanpo ere zabalduko dute zerbitzua. Eskolako atarian 13:45etik 14:15era egongo da eta nahi duen orok izango du bertan liburuak maileguan hartu edota itzultzeko aukera.