Ekainaren 28an, ostiralean, LGTBI+ Harrotasunaren Nazioarteko Eguna delako eta maiatzaren 17an LGTBI+fobiaren Aurkako Nazioarteko Eguna izan zela eta, Leitzako hainbat eragilek herriko txokoak ortzadarrarekin margotzeko deia egin diete herritarrei.
Amazabal Guraso Elkarteak, LHL erronkak, Denok Bat Guraso Elkarteak eta Leitzako Udalak antolatu dute hitzordua eta izena emateko zaintza@leitza.eus helbidera idatzi behar da.
Ostiralean, 17:00etan Leitzako plazan egin dute hitzordua eta arropa zaharra eramateko aholkatu dute. Horrez gain, 17:00etatik aurrera Naizen elkartearen materiala erosteko aukera ere izanen da plazan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.