Herritarrek aurkeztutako hautagai guztien artetik honako hirurak izan dira festa batzordeko kideek aukeratu dituztenak. Segidan dituzu beraien izen-abizenak, argazkiak eta hautagaitza aurkezterakoan herritarrek eman dituzten arrazoiak.
IBAI AZURMENDI SAGASTIBELTZA
2018.urtean profesionaletarako saltoa egin eta osasun arazo bat tarteko, bere pasioa izan den txirrindularitza utzi behar izan du. Erakutsitako jarrera, ilusio eta egindako lana eskertze aldera, herriko pestei hasiera emateko hautagai aproposa delako.
JEIKI ABESBATZA
Leitzar askoren topaleku izan da 1974. urtean sortu zenetik. Adin ezberdinetako kantuzaleen topaleku. Ibilbide oparokoa, kultura sustatzailea eta Leitzako herriaren izena han-hemen zabaldu duena. 50 urteko ibilbidea zoriondu eta ospatzeko aukera ezin hobea!
EMAKUME BASERRITARRAK
Urtetan gorputza, burua eta bihotza lurrari eman dioten emakumeak. Isileko lana, ofizio zein afizio, baserria eta lurra, zaintza lanak. Guztiak goxo burututakoak eta askotan aitortu gabekoak.