Saio bakoitzean bost lagunek parte hartu dezakete gehienez eta 40 minutuko tartea izanen dute galderak eta probak gaindituz, ihes-gelatik ateratzen saiatzeko. Lortu ezean, amaitutzat emanen da jokoa. 16 urtetik gorakoei zuzendutako ekimena da eta euskara ulertu edota hitz egiteko gai den edonork parte hartu dezake.
Izen-ematea
17. gelan sartu eta jokoan parte hartu nahi dutenek aldez aurretik izena eman beharko dute ihes-gela.eus web orrian. Erreserba egiteko eskaintzen diren egun eta orduen gainean klikatu eta galdetegia bete beharko dute. Erronka eta gonbidapena luzatu dute: «Zatoz 17. logelara. Lehen 40 minutuak dohainik dira, gozatu, eta amets on!».