Leitzako Aurrera Mendibil taldeak Leitzulia BTT probaren seigarren edizioa antolatu du. Izen-emateko epea irekita dago kirolprobak.com-en irailaren 27ra arte eta parte hartzaile bakoitzak 25 euro ordaindu beharko ditu. Leitzuliko parte-hartzaileek 42 kilometroko luzera eta 1.400 metroko desnibela duen ibilbidea osatu beharko dute. Lehenbizikoek bi orduren bueltan osatzen dute ibilbidea eta azkenek bost ordu behar izaten dituzte.