520 lasterkarik parte hartu zuten Euskal Herria Mendi Erronkaren hamargarren edizioan. Erronkari bakarka aurre egin zioten 402 lasterkarietatik 347k lortu zuten helmugara iristea. Erreleboka 57 bikotek parte hartu zuten proban eta ia denek, 54 bikotek, lortu zuten erronka osatzea.
Erlojuak goizeko zortziak seinalatu eta lasterketari hasiera eman aurretik, omenaldietarako tartea hartu zuten. Irene Sarrionandia Unzueta lasterkaria omendu zuten mendi lasterketetan egindako ibilbidea goraipatuz. Egindako ibilbideaa eta oraindik ere egiteko duena, korrikarako zapatilak jantzita, erreleboka parte hartu baitzuen aurten ere erronkan.
Aurreikuspenak betez
Bozgorailuetako musikarekin batera, ahoz aho entzuten ziren faboritoen izenak eta aurreikuspenak bete ziren: Ander Iñarra eta Mayi Mujika izan ziren bizkorrenak 67 kilometroko ibilbidean.
Iñarrak hobetu egin zuen pasa den urtean berak jarritako marka. Iaz baino bi minutu eta 22 segundo gutxiago behar izan zituen helmugara iristeko (6.32.15). Bigarren postua, Iraitz Legorburu getariarrarentzat izan zen (6.35.50) eta hirugarren, Pello Berrizbeitia eibartarra (6.41.55). Laugarren postuan iritsi zen, eskualdeko lasterkaririk bizkorrena izan zena, Aritza Craamer Lizarraga (6.58.47) leitzarra.
Emakumezkoetan lehia estua izan zen Mayi Mujika eta Oihana Azkorbebeitiaren artean. Lekunberrira arteko tartean bazirudien iazko garaipena errepikatu behar zuela Azkorbebeitiak, baina egoerari buelta eman eta Mayi Mujikak eskuratu zuen azkenean txapel beltza. Aspalditik begiz jota zuen lasterketa Mujikak, baina lehenbiziko parte hartzea zuen Euskal Herria Mendi Erronkan. Ez zen nolanahiko estreinaldia izan, berak ere helmugan jarritako joarea dantzarazi zuen emakumezkoen marka hobetuta (7.40.08).
Bikoteka, Leire Orbegozo eta Oier Elorza azpeitiarrak izan ziren bizkorrenak. Bigarren postuan Miren Bastida eta Beñat Ibañez iritsi ziren helmugara eta haien segidan, Olatz Azazeta eta Ander Iraizoz.
ESKUALDEKO LASTERKARIAK
Leitzaldea, Baztan, Malerreka eta Bortzirietako lasterkariek parte hartu zuten proban. Segidan dituzue egindako denborak:
| 67 KM LASTERKETA | |||
|---|---|---|---|
| POSTUA | IZEN-ABIZENAK | DENBORA | HERRIA |
| 4 | Aritza CRAAMER LIZARRAGA | 6.58.47 | LEITZA |
| 21 | Daniel PARRAGA ZUBILLAGA | 7.40.21 | LEITZA |
| 28 | Fernando ETXEGARAI LOPEZ | 7.51.26 | LESAKA |
| 30 | Mikel ALTADILL OLABERRIA | 7.52.25 | LEITZA |
| 52 | Julen LIZARRAGA LAZKANO | 8.24.12 | LEITZA |
| 56 | Igon BEREAU URROZ | 8.27.31 | LEITZA |
| 65 | Iker ZUBILLAGA USABIAGA | 8.32.39 | LEITZA |
| 66 | Josu PERURENA ZABALETA | 8.33.42 | LEITZA |
| 72 | Dani IPARRAGIRRE ITURRIA |
8.38.48 |
ARANTZA |
| 84 | Eneko ZABALETA RENTERIA | 8.44.13 | LEITZA |
| 91 | Iban BENGOETXEA COUSILLAS | 8.53.54 | LEITZA |
| 95 | Omar UGARTEMENDIA SAGASTIBELTZA | 8.55.47 | LEITZA |
| 114 | Erika ALVAREZ ALDUNTZIN | 9.10.52 | ARESO |
| 132 | Martin ETXABE AIZPURUA | 9.23.21 | ERRATZU |
| 135 | Adur BERNAOLA RESPALDIZA | 9.25.31 | LEITZA |
| 150 | Eneko GOROSTIAGA GOÑI | 9.31.38 | EZKURRA |
| 156 | Aitor MITXELENA MARITXALAR | 9.35.34 | LESAKA |
| 221 | Mikel ALMANDOZ IRIGOIEN | 10.24.27 | LEKAROZ |
| 224 | Joanes LASARTE ARRUZA | 10.27.11 | LEITZA |
| 236 | Mikel MARTINEZ BARRANCO DUCE | 10.34.49 | LEITZA |
| 276 | Mikel AZPIROZ HERNANDORENA | 11.17.47 | LEITZA |
| 277 | Aimar LEACHE PORTILLO | 11.19.04 | DONAMARIA |
| 284 | Iban PELLEJERO ZABALETA | 11.23.04 | ARESO |
| 287 | Mikel SAENZ LAZKANO | 11.29.06 | LEITZA |
| 289 | Ander ALDUNTZIN IBAÑEZ | 11.29.18 | LEITZA |
| 291 | Xabier JAUNARENA ETXEKOLONEA | 11.36.52 | LEITZA |
| 312 | Migel OLANO ZABALETA | 11.56.40 | LEITZA |
| 314 | Amaia JIMENEZ KANFLANKA | 11.57.28 | LEITZA |
| ERRELEBOKA | |||
|---|---|---|---|
| POSTUA | IZEN-ABIZENAK | DENBORA | HERRIA |
| 12 | Yashira NAVAS eta Mattin INTXAURRONDO | 8.07.06 | ARESO |
| 17 | Nagore MAZIZIOR eta Jon Ander ZABALETA | 8.29.08 | LEITZA |
| 20 | Garbiñe HERNANDORENA eta Gorka BERMEJO | 8.39.41 | LEITZA |
| 25 | Itxaro ZABALETA eta Uxue ZABALETA | 8.46.38 | LEITZA |
| 34 | Rafa ALZATE eta Susana ZARRALUQUI | 9.42.23 | ERRATZU |
| 48 | Joanes ILLARREGI eta Nahia BARRIOLA | 11.13.46 | LEITZA |
| 50 | Aitor HUIZI eta Nagore ESNAOLA | 11.32.04 | LEITZA |
| 51 | Markel BARRIOLA eta Lide HERNANDORENA | 11.41.33 | LEITZA |
| 52 | Oinatz BENGOETXEA eta Alazne ARIZTIMUÑO | 11.43.31 | LEITZA |
