Isabela, Maddi, Nahiane eta Izadik aurkeztutako proiektua izan da saritua. Zigarro eta ibuprofeno soberakinek dilista, hirusta eta belar hazien erneketan zer nolako eragina duten ikertu dute.
Maiatzaren 22tik 25era egin zuten Elhuyar Zientzia Azokan, 200 proiektu egon ziren ikusgai eta 70 ikastetxetako 800 gaztek hartu zuten parte. Euskal Herriko ikastetxeetako gazteez gain, Espainiako eta nazioarteko azoketako saridunak ere izan ziren. Azokaren helburua gazteei zientzia-bizipenak eskaintzea eta kultura zientifikoa bultzatzea eta zabaltzea da.