Auzo konposta gune batzuk behar bezala funtzionatzen ez zutela ikusita, edukiontzi marroiak jartzea erabaki zuen Mendialdea Mankomunitateak. Hiru gunetan jarri dituzte edukiontziak: Patxikune atarian, plaza zaharrean eta Ollene parean. Hasiera batean, erabilera librea izanen dute edukiontziek, baina gero erabilera kontrolatzeko sistema elektroniko bat jartzeko asmoa dute hondakin tasak ordaintzeko garaian erabiltzaileak sarituz.
Hondakin organikoak bereizteko materiala banatuko dute Areson maiatzaren 23an eta 24an
Organikoa bereizteko kubo eta poltsak banatuko dituzte datozen egunetan Areson. Maiatzaren 23an, goizez egonen da Mendialdea Mankomunitateko teknikaria udaletxean 11:00etatik 13:30era eta maiatzaren 24an, arratsaldez, 16:30etik 18:00etara. Egun eta ordu horietan joaterik ez dutenek Leitzako Udaletxeko lehenengo solairuan dagoen Mendialdea Mankomunitateko bulegora joan daitezke materialaren bila. Ekimen honekin, herrian jarri dituzten hiru edukiontzi marroiak erabiltzera animatu nahi dituzte herritarrak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun