Nola bizi da artzain bat? Galderari erantzuna baino gehiago, artzain batek zer bizi duen eta horrek nola zeharkatzen duen bildu du idazleak liburuan. Eguneroko batean jaso du Josebe Blancok artaldearen urtebetea. Bizipenak, hausnarketak, borrokak, ezinak eta pozak. Gehienetan prosaz, batzuetan poesiaz. Artzaintzaren imajinario estandarrean sartzen ez den artzaina dago liburuan: emakumea, euskalduna, ekologista, barazkijalea…
Hausnarrean liburuaren aurkezpena eginen dute maiatzaren 17an Leitzan
Emakume Artzainen Eguna ospatuko dute igandean Leitzan eta horren aurrekari izanen da maiatzaren 17rako, ostiralerako, antolatu duten hitzordua. Josebe Blancok ‘Hausnarrean’ liburua aurkeztuko du 18:00etan Leitzako liburutegian eta solasaldia ere eginen dute idazlearekin. Habelarte elkarteak, Plazaola Partzuergo turistikoak eta Leitzako Udalak antolatu dute ekimena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun