Egoera salatu eta ikusaraztea, horixe izan da Leitzan apirilaren 27an atera duten argazkiaren helburua. Maskara txuriak jantzita, Osasun departamentuarentzat ikusezinak direla irudikatu nahi izan dute Leitzako, Aresoko, Aranoko eta Goizuetako herritarrek. Leitzako konpartsako kideak eta suhiltzaileak ere batu zaizkie, batzuen erraldoiekin eta besteen sirena hotsekin Iruñetik entzun edo ikusiko dituztelakoan.
Hilabeteak daramatzate pediatria zerbitzurik gabe eta hainbat saiakera egin dituzten arren, ez dute inolako erantzunik jaso. Eskura dituzten ate guztiak jo dituzte eta mobilizazioekin segitzeko asmoa dute. Hurrengo hitzordua, maiatzaren 10ean izanen da: elkarretaratzea egin eta argazkia aterako dute Leitzako plaza 18:30ean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.