Ados pilota txapelketako finala jokatuko dute apirilaren 20an Antzuolan eta bertan ez da Leitzako pilotaririk izanen. Joan den astean Goiuri Zabaletak galdu zuen bere finalerdia eta larunbat honetan Biarritzen, Iera Agirre Iturriaga leitzarrak eta Oihana Orbegozok 10-22 galdu zuten Maddi Barrokal eta Naroa Agirreren kontra.
Partida hasiera berdindua izan bazen, azkenean gazteak gailendu zitzaizkien beteranoei. Gisa honetara, Antzuolan hilaren 20an jokatuko den finalean ez da eskualdeko pilotaririk izanen: Ruiz de Infante eta Galeano, Barrokal eta Agirreren kontra ariko dira.