Goizuetako Domiña baserriko Maite Sánchez abeltzainak ere parte hartuko du EKOtopaketan, betizu behiak nola eta non hazten dituen azaltzeko. Hilero bezala, sukaldaritza klaseko platera eta Geltokik egindako beste hiru (bi gazi eta gozo bat) dastatuko dituzte. Informazio gehiagorako eta izena emateko: https://ekomercado.org/eu/ekotopaketa/
EKOmerkatua apirilaren 6an
Datorren larunbatean, apirilaren 6an, Betizu haragiari eskainiko zaio jardunaldia. Hilero, Domiña Goizuetako abeltzain ekologikoko proiektua EKOmerkatura joaten da. Betizuko haragia eta txorizoa egiten dute, eta Zatoz eta dastatu dastaketa gunean probatzeko aukera izanen da.
Maite Sanchezek 2000. urtean sortu zuen Goizuetan Domiña Abeltzaintza Ekologikoa, bere hiru seme Garazi, Anxo eta Indarrekin batera, eta Betizu arrazako behiak hazten eta zuzenean saltzen aritzen dira. Arraza autoktono, erdi basati eta desagertzeko arriskuan dagoen honek jasotzen duen izena da betizua. Domiñako behiak urteko 365 egunetan estentsiboan bizi dira Goizuetako mendietan, hauek garbi mantenduz eta sukaldaritzako balio handiko haragia lortuz. Hazkuntza estentsiboa, basatia eta errespetuzkoa egiten dute.