Iaz hasi zen Jeikin, baina bizitza osoa darama musikari lotuta, «hogei urtez aritu nintzen Leitzako Asketa abesbatzan kantuan eta urteak neramatzan korua utzita». Musikaren harra barruan, «abesbatzako giro hori faltan sumatzen» zuela aitortu du eta hala, berriz hasteko aukera ikusi zuenen, ez zuen zalantzarik izan: «Jeiki abesbatzan hasi nintzen». Ez da damutu emandako pausoaz. Geroztik, «asteko hitzordu kuttunenak dira entseguak eta kontzertuak emozioen kedadak».
Urteurren ekitaldi potoloa dute esku artean, lau ekitaldi denera, eta lantzen ari diren «obra zoragarria» dela nabarmendu du De Miguelek. Ez da gutxiagorako, «berrogeita hamar urte betetzea ez da nolanahiko urteurrena. Edozein proiektuk ezin dezake esan horretara ailegatu denik». Arrakastaren funtsa, abesbatza definitzeko erabiltzen dituen hitzetan dago.