Pertsonak ardatz dituen zaintza eredua eraiki nahi du Leitzako Udalak, eta helburu horrekin lanean hasia da, Matia Fundazioarekin elkarlanean. Lehenbiziko pausoa diagnostiko bat egitea izanen da eta horretarako parte hartze saioak egiteko asmoa dute. Lehenbizikoa atzo arratsaldean egin zuten Leitzako Udaletxeko batzar aretoan. 31 lagun bildu ziren, 27 emakumezko eta lau gizonezko, eta lantaldetan banatuta, hiru galderen inguruan hausnartzen aritu ziren.
«Nola definituko zenuke egiten/jasotzen duzuen zaintza? Egunerokoan zein oztopo nagusi dituzue zaintzak eskaini eta garatzeko orduan? Barita magiko bat izanen bazenute, zer aldatuko zenukete, eta nola?». Lau lantalde osatu eta hiru galdera horiek izan zituzten hizpide atzoko saioan. Jakinarazi dutenez, «ekarpen eta ideia asko atera ziren, oso interesgarriak, eta aberasgarria izan zen egoeraren argazki orokor bat egiteko». Ateratako ondorioak aurrerago partekatuko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.