Iruñeko Udalak antolatzen duen lehiaketaren hogeita hamahirugarren edizioa zen aurtengoa. Narrazio labur eta poesia sailetan aurkez daitezke lanak eta aurten denera, hogeita bat idazlan aurkeztu dituzte sariketara. Hamabi poesia-liburu eta bederatzi narrazio.
Joseba Asiron Iruñeko alkateak, Maider Beloki Kulturako, Jaietako, Hezkuntzako eta Kiroleko zinegotzi ordezkariak eta Iñigo Gomez Alorreko zuzendariak banatu dituzte sariak eta akzesita bi kategorietara aurkeztutako lan onenen artean. Narrazio laburretan epaimahaiak Iñigo Satrustegi Andresen Oheak gordetzen duena aukeratu zuen lehen sarirako. Epaimahaiaren hitzetan: «egileak heldutasunez jorratzen ditu familia baten bizipenak, sekretuak, ezkutuko gatazkak eta miseriak».