Cansat proiektua, Nafarroako Gobernuko Unibertsitate, Berrikuntza eta Eraldaketa Digitaleko Departamentuak sustatu eta Iruñeko Planetarioak koordinatu du. Ikerketa zientifikoa sustatzea du helburu: zientziak, teknologia, ingeniaritza eta matematikak hartzen ditu bere baitan, STEM gaitasunak ere deituak.
Leitzako Amazabal institutuko hainbat ikasle satelite bat diseinatzen ari dira
Leitzako Amazabal Institutuan, Teknologia eta Ingeniaritza ikasten ari diren Batxilergoko 1. mailako ikasleak, Cansat proiektuan parte hartzen ari dira. Satelite bat diseinatu behar dute, gutxi gorabehera kilometro bateko altueran propultsatua izango dena, eta lurreratu ahala, interesgarriak diren datu batzuk bidali beharko ditu. Presioa, tenperatura, azelerazioa, eta behera egin ahala GPS bidez sateliteak duen posizioa zein den jasoko du. Satelitearen ontzia 3D inprimagailuarekin eraikitzen ari dira, eta abiadura egokian lurreratzeko paraxutak ere diseinatzen ari dira. Behin satelitea bukatuta, martxoaren 23an eginen dute jaurtiketa Lerinen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun