Ez da berria Leitzan pediatria zerbitzua bermatzeko eskaera. Zerbitzuak gorabehera handiak izan ditu azken urteotan eta horri aterabidea bilatzeko, hainbat mobilizazio egin izan dituzte; jendetsuenak 2018an. 2022ko martxoan pediatra zerbitzua berrezarri zuten eta, aldaketak aldaketa, epe luzean ongi funtzionatu du. Orain, ordea, pediatra falta da eta, gaur gaurkoz, ez dago ordezkorik.
Pasa den asteaz geroztik, pediatrarik gabe daude Leitzako Osasun Etxean eta ez dute ordezkorik bidali. Horren ondorioz, erizainaren lan karga handitu eta nahitaez pediatrak aztertu behar dituen kasuak Iruñera bideratzen ari dira. Badirudi, epe motzean arazoak ez duela izanen irtenbiderik, «baina erreklamazioak jartzeak lagundu dezakeela ikusita» herritar guztiak bere erreklamazioa jartzera animatu nahi dituzte. Online edo Osasun Etxeko harreran egin daiteke.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun