Bidasoa 2018-2023 Fermin Muguruzak zuzendutako dokumentala da. Bidasoa ibaiaren bi aldeetako hainbat ekintzaileri ahotsa eta aurpegia ematen die eta bertan bizia galdu dutenak ere gogoan izanen dituzte. Izena, adina, bidaia eta ametsak, hildako kopuru hotzen atzean dagoen istorioa eta pertsonak ezagutzeko aukera izanen dute ikusleek, modu honetan tragedia gizatiartuz.
Napoleon, berriz, Ridley Scott zuzendariaren azken proposamena da. 2023an estreinatu zuten zinemetan eta historia eta epika nahasten dituen film dramatikoa da. Napoleon Bonaparte enperadorearen eta Josefina de Beauharnais enperatrizaren arteko harremanean oinarritzen da. Aktore ezagunak agertuko dira pantailan Joaquin Phoenix, Vanessa Kirby eta Tahar Rahim.
Saioetarako sarrerak aldez aurretik erosteko aukera izanen da kulturaleitza.eus webgunean: 17:00etako saiorako sarrera lau eurotan eta 19:30eko saiokoa bost eurotan eskura daiteke. Egunean bertan lehiatila saioa hasi baino ordu erdi lehenago irekiko dute eta sarrerak bost eta sei euro ordaindu beharko dituzte, hurrenez hurren.