Goizuetan ere San Anton eguna ospatu dute urtarrilaren 17an. Asteazken goizean zuten hitzordua San Anton ermitan. Azienden bedeinkazioarekin hasi zuten eguna eta segidan, meza kantatua izan zuten. Bukatzeko, meza ondotik, salda eta txistorra banatu dituzte. Argazkiak: Felix Loiarte eta Esteban Arozena
Mezako eta hamaiketakoko irudiak dira Felix Loiartek bidalitakoak. Esteban Arozenak bidalitakoetan, berriz, aski ongi ikus daiteke San Anton eguneko ohitura. Hala azaldu du berak: «Beñat Apezetxea pilotaria ageri da argazkietan. Zaldi eder batekin azaldu zen eta ermitari hiru buelta eman zizkion, ohitura izaten den bezala, eta apaizak bedeinkazioa eman zion».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!