Kalera atera eta zintzarriak, joaleak, kaxkabelak… astinduz lurra esnatu nahian dabiltza leitzarrak. Gauerdian egina zuten hitzordua herriko plazan eta elkarrekin itzulia osatu dute lurrari dei egin eta bizilagunak esnatuz. Eguerdian, etxeko txikienen txanda izan da eta kuadrilla ederra bildu da.
Batzuen ustez, Erregeen kabalgataren iragarle izanen dira doinu horiek, baina kabalgatak egiten hasi aurrekoa omen da ohitura. Neguko solstizioa pasa eta eguna luzatzen hasia denean, lurrari esnatzen lagundu eta udaberrirako prestatzen hasteko, jotzen omen zituzten zintzarriak eta joaleak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!