2022ko otsailean jakinarazi zuen Nafarroako Gobernuak bere gain hartuko zituela Leitza eta autobidearen artean erortzea izan zen tokiko mendi-mazela egonkortzeko lanak. Ezpondak duen pisua murrizteko materiala kendu eta higaduraren aurkako sare fin bat jarri dute. Hartara, lurrean pikotxekin ainguratutako metalezko sare bat paratu dute eta, obra horrekin, lur-jausi berri bat saihestuko dela espero dute.
Leitzako Astibi pareko zatia konpondu dute
2015eko otsailean izandako euriteak kalte handiak eragin zituen Leitzan, Astibi parean. Plazaolako natur bidean zuloak sortu ziren eta NA-170 errepidea moztu beharra izan zuten erortzaren ondorioz. Geroztik, kezka sortu du eremu horren egoerak: luiziak izan dira eta mendi-mazela egonkortzea premiazkoa zela salatu dute behin eta berriz. Leitzako Udalak zortzi urte hauetan hainbat eskaera, txosten, bilera... egin behar izan ditu, baina azkenean lanketa horiek guztiek eman dute fruitua. Mendi-mazela egonkortzeko lanak bukatu eta natur bideko kalteak konpondu dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun