Artikutzako sarreratik, Eskaseko atezaindegiko aparkalekutik, abiatuko dira 09:15ean eta 13:30 aldera bukatuko dute ibilaldia. Ibilbide zirkularra osatuko dute, balizatutako bi bide elkartuz. Eskasetik, Lesaka aldera jotzen duen bidexka hartuko dute, pagadi eta pinudiak zeharkatuz. Buznaiztegiko lepora iritsiko dira eta berehala gertu dagoen Bidangoko Zabalera. Inguru honetan harrespilak eta aztarna historikoak ikusteko aukera izanen dute. Elutsaraino hurbilduko dira hamaiketakoa egiteko eta ikuspegi ederraz gozatzeko aukera izanen dute bertan. Eskasera bueltatzeko beranzko bidea hartuko dute, bidean haritz, pago eta hagin zaharrek inguratuko dituzte. Elizmendiko bide nagusira iritsi eta Erroiarriko ur jauziaren ondotik pasata, egurrezko bi zubi zaharretatik erreka gurutzatu eta eginen dute errepidera heldu arte.
Sei urtetik beherakoek ez dute ordaindu beharko, 6-16 urte artekoek 2,09 euro ordaindu beharko dituzte eta 16 urtetik gorakoek 3,14 euro.