Elite mailako Emakume Master Cup lau eta erdiko txapelketako final laurdenetako partidak jokatu dituzte asteburu honetan. Igandean Arratzun jokatutako partida gogorrean Goiuri Zabaleta leitzarrak 22-19 irabazi zion Enara Gaminderi.
Final laurdenetako beste partida larunbatean jokatu zuten Legution eta 2019an txapeldun izan zzen Miriam Arrillagak 22-12 irabazi zion Nora Mendizabali.
Finalerdiak abenduaren 6an, asteazkenean 12:00etn hasita jokatukp dituzte Abadiñon, ETB1ek zuzenean emanen duen jaialdian. Lehenik, Goiuri Zabaleta Garairen kontra ariko da eta bigarren finalaurrekoan Arrillaga eta Aldai izanen dira aurrez aurre. Irabazleek abenduaren 17an jokatuko dute finala Durangoko Ezkurdi pilotalekuan.