Kudeaketa batzordea
Maiatzaz geroztik funtziotan ari diren udal ordezkariek Toki Administrazioarekin hitz egin dute eta haiek azaldu dizkiete zeintzuk diren kasu hauetan eman ohi diren pausoak. Hauteskundeak egin egingo dituzte azaroaren 26an. Bertan aterako den emaitzak, ordea, badirudi praktikan ez duela eraginik izango. Aulki zuriak alderdiak ordezkaritza lortzeko beharko lituzkeen hamar botoak aterako balitu ere, esandakoa beteko balu, ez luke alkate eta zinegotzi kargurik hartuko. Horrek, prozesua luzatu baino ez luke egingo; lehenago edo beranduago kudeaketa batzorde baten eskuetan geldituko delako udala.
Hauteskundeetara aurkeztu den zerrenda bakarrak, kargua hartzeko asmorik ez duela aurreratu du
Argitu behar da kudeaketa batzordea nork osatuko duen ez dutela kanpotik erabakitzen. Herritarrek osatu behar dute batzordea eta beraiek erabaki nortzuk izango diren taldeko kideak. Hori horrela dela jakinda, herritarrak biltzen hasiak dira dagoeneko.