Arainburu Mendi Taldeak antolatu duen mendi irteera izanen da eguneko aurreneko ekitaldia. 08:00etan abiatuko dira plazatik eta autoz joanen dira Arriurdiñetara. Handik Elamara igoko dira eta Beltzuntza eta Loitzateko gainetatik igarota, Arriurdiñetara itzuliko dira. Denera hamahiru kilometro pasatxoko ibilbidea eginen dute eta 13:00ak aldera bueltatuko dira herrira. Arratsalderako hainbat proposamen bildu dituzte. 16:00etan pilota partidak izanen dituzte goiko frontoian. Ondoren, 17:30 aldera, Umore Onako abesbatzako kideak eta dantzariak kantuan eta dantzan ariko dira herritik barrena. Bukatzeko, 19:00etan luntxa izanen dute.
Goizuetako Umore Ona Elkarteko Atalen Eguna ospatuko dute larunbatean
Umore Ona Elkarteko kideek hitzordu berezia dute azaroaren 18an. Urtero bezalaxe, Umore Ona Elkarteko kide diren atal guztiek egiten duten lana erakusteko baliatuko dute hitzordua. Mendi taldekoek irteera antolatu dute goizean eta arratsaldean pilota partidak izanen dituzte. Dantzariek eta abesbatzako kideek izanen dute kaleak alaitzeko ardura.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun