Goizuetako Udalak enkantera atera du medikuaren etxe zaharra

Goizuetako Udalak garai batean medikuaren etxea zena enkantera atera du. Urriaren 31n udalak egindako osoko bilkuran onartu zuen prozedura berriari hasiera ematea eta horretarako, hura arautzen duten baldintza administratibo berriak onartu zituzten. Eraikina 75.996,46 eurotan lizitatu dute eta eskaintzak azaroaren 24ra arte aurkez litezke, Herriko Etxeko erregistroa 09:00etatik 12:30era. Plegu administratiboa irakurri nahi dutenek idazkaritzan eskura dezakete.