- Azaroaren 7an, asteartean, Indarkeria kontsumitzen al dugu galdera eginez hasiko dute zikloa. Moda-jantzigintza, estetika, eta publizitatearen mundua aztertuko dituzte Setem-en eskutik. Horretarako, goizean zehar, rol jokoak eta bideoforuma eginen dituzte Amazabal Institutuko ikasleekin, eta 19:00etan, zineforuma Herri Aretoan. Gaiarekin lotuta, Konpon dezagun moda erakusketa jarriko dute ikusgai Herri Aretoan azaroaren 4tik 9ra.
- Azaroaren 8an, asteazkenean, bertako hazien inguruan osatu dute proposamena. Haurrentzat haziak nola ateratzen diren ikasteko tailerra eginen dute liburutegian 17:00etan. Gazte eta helduentzat, Bertako hazien barietateak eta ugalketa agroekologiaren ikuspuntutik hitzaldi-tailerra eskainiko du Marc Badal adituak Atekabeltz Herrigunean 19:00etatik aurrera.
- Azaroaren 9an, ostegunean, Lurraldea eta bioaniztasuna auzolanean hitzaldia eskainiko dute Mikel Saralegik eta Antonio Aretxabalak 19:00etan Herri Aretoan.
- Azaroaren 10ean, ostiralean, herriko ostalariek bertako produktuekin egindako pintxo-potea eskainiko dute.
Azokaren IX. edizioa
- Azaroaren 12an, Leitza eta Aresoko produktuen azoka eginen dute. Elikagaien postuak hemeretzi: barazkiak, sagarrak, sagardoa, eztia, gazta, fruitu lehorrak, txerrikia, ogia, gozoak, taloak... eta bertako hazien postu bat ere jarriko dute. Azienda postuak, berriz, hamabi: ahuntzak, ardiak, sasi-ardiak, behiak eta txekorrak, burgete arrazako behorrak, pottokak, poniak, astoak, hegaztiak eta untxiak. Eguraldi ona bada plazan izanen da eta txarrarekin, frontoian eta inguruan.