Eusko Label Saria Urrezko Aizkolarien Kopako kanporaketa jokatuko dute urriaren 29an, igandean 12:00etan Leitzako Amazabal pilotalekuan. Jon Rekondo herriko semea izanen da lehian ariko den eskualdeko aizkolari bakarra. Berekin batera, Julen Alberdi Txikia IV.a, David Naredo, Eneko Otaño, Txomin Amundarain eta Ibai Soroa ariko dira. Tartetan harri-jasotze erakustaldiak ere eginen dituzte.