Nafarroako Abesbatzen Elkartearen ekimenez, Bideak lotuz izeneko zikloa egiten ari dira han eta hemen kontzertuak eskainiz, eta Leitzako Jeiki Abesbatzako kideak Aranon izan ziren joan den igandean. Kontzertuaren ondoren, aranoarrek eman zieten bazkariaren harira «oso eskertuta» daudela nabarmendu nahi izan dute Jeikikoek: «Auzolanean bazkari zoragarri bat eman ziguten elkartean. Oso eskertuta gelditu ginen denak, goiz eta eguerdi oso atsegina pasatuz elkarrekin kulturaren izenean». Horrekin batera, «herri txikiak ere bizirik daudelako eta kultura leku guzietara iristeko ahaleginetan lanean segituko dugula» jakinarazi du Jeikik.
