Kulunka haur arropa denda, Olaia Bazar eta Gaztetxo goxoki denda izan dira 2023an itxi dituzten dendak. 2021ean Etxetresnak izan zen negozioa bertan behera utzi zuena. Herriko komertzioa bizirik mantentzea «herritarren esku» dagoela ere azpimarratu dute eta galdera egin: «badakizu zer daukazun herrian?». Diotenez komertzio txiki askok osatzen dute herri handi bat eta horri lotuta, deia egin dute: «zu ere izan zaitez Kaxkabeltzaren parte».
Ni ere Kaxkabeltza izan nintzen mezu argia eta zuzena irakur liteke Leitzako lau erakusleihotan. Bertan hitzak baino ez: 2021ean batek eta azken urtean besteek, ateak itxi behar izan dituztelako. Kaxkabeltza Elkartearen azken kanpainak herriko komertzioen egoera agerian utzi du: «kontsumoa jaitsi da eta egoera jasanezina bihurtu da batzuentzat. Erretiroa hartzeko garaia iritsi eta erreleborik ez dute besteek. Horren, ondorioz elkarteko hiru komertziok ateak itxi behar izan dituzte azken urtean. 2021az geroztik lauk».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun