2023ko Euskal Herriko hirugarren mailako aizkolarien bigarren kanporaketa jokatuko da urriaren 8an, igandean 19:00etan. Zizurkilgo Intxaur frontoian. Hamasei aizkolari ariko dira lehian, tartean Aresoko Asier Pellejero Otermin eta Leitzako Jon Rekondo Salaberria, finalerako hiru txartelen bila. 54 ontzako launa enbor ebaki beharko ditu aizkolari bakoitzak.
Pellejero eta Rekondorekin batera, Urtzi Olasagasti, Xabat Olaizola, Miguel Martin Reposo, Hermenegildo Herrero, Mikel Larrañaga, Eloy Corchero, Aitor Urteaga Aldasoro, Ibai Soroa, Jesus Maria Mujika, Julen Alberdi Txikia IV.a, Arkaitz Jauregi, Jon Rekondo, Julen Kañamares Mugerza, Ioritz Gisasola eta Ugaitz Mugerza ariko dira. Larrañaga eta Txikia IV.a dira faborito, baina lau kanaerdikora edozer gauza gerta daiteke.
Lehenbiziko kanporaketan finalerako txartela lortu zuten Eneko Otañok, Aitzol Atutxak eta Eneko Saralegik.