Igande honetan, urriaren 8an, hitzordua izanen dute antzerkizaleek Leitzako Herri Aretoan. Pez Limbo konpainiak Itsas behera antzezlana taularatuko du. 19:00etan hasiko da emanaldia eta sarrerak online eros daitezke 7 eurotan edo egunean bertan leihatilan 8 eurotan saioa hasi baino ordu-erdi lehenago.
Itsas behera Pez Limbo gasteiztar konpainiaren proposamen eszeniko berria da. Espe López-ek zuzendutako antzezlan honetan Javier Barandiaran eta Unai López de Armentia dira protagonistak: Errealitatetik kanpo dauden bi gizon dira eta beraien helburu bakarra egotea eta existitzea da.