Asteazkenean bukatuko da eskolarteko topaketetako bazkarirako txartelak erosteko epea

Ttipi-Ttapa 2023ko ira. 25a, 13:30
Deskargatu Info Ahotsak :
Español English Français Català Galego

Igande honetan, irailaren 30ean, Arano, Areso, Ezkurra, Goizueta eta Leitzako haurren, gurasoen eta eskolen arteko topaketak egingo dituzte Areson. Topaketen XXII. edizioa izango da eta hara joateko gonbita egin dute bideoan Aresoko neska-mutikoek. Egun osoko egitaraua prestatu dute eta tartean, eguerdian bazkaria egingo dute. Txartelak erosteko azken eguna asteazkena izanen da.

Egitaraua
  • 11:00etan ongietorria.
  • 11:30ean jokoak herrian barrena.
  • 13:30ean topaketako abestia eta dantza plazan.
  • 14:00etan bazkaria.
  • 16:00etan kalejira, giza futbolina, txokolatea eta bizkotxoa.
  • 18:00etan erromeria eta topaketetako abestiaren agurra.
Bazkarirako txartelak

Bazkaltzeko txartelak Aresoko eskolan, Goizuetako estankoan eta Leitzako Maimur liburu dendan eros daitezke eta asteazkena izango da horretarako azken eguna. Helduek 10 euro eta haurrek 6 euro ordaindu beharko dituzte. Bazkaritarako paella, postrea, kafea eta pastak izango dira.

Autobusak

Goizuetatik autobusak izango dira dohainik. Dena den, gutxieneko kopuru bat behar da autobusak antolatzeko eta izena Goizuetako estankoan eman beharko da. 10:00etan abiatuko dira Goizuetako plazatik eta Aresotik 19:00etan atera.

 

Hezkuntza Leitzaldea Arano Areso Goizueta Leitza

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!