Besteak beste, herritarrek etxebizitzetan dituzten instalazio termikoak zein diren, neguan zenbat eta noiz jartzen duten berogailua martxan, etxea berotzeko batez besteko tenperatura zenbatekoa den, urteko gastua zenbatekoa den... Halako informazioa bildu nahi dute galdetegian.
Paperean edo telematikoki bete daiteke galdetegia eta horretarako azken eguna irailaren 8a izanen da.
Goizuetako Udalaren oharra
Horren harira oharra kaleratu du Goizuetako Udalak. Idatzian dioenez, «Mendialdea eskualdean uste dugu, etorkizunera begira, gure herrietan erabiltzen dugun energiaren jatorriak ahalik eta gertukoena izan behar duela. Horretarako irtenbidea izan daiteke berokuntza-sistemen erregai fosilak (gasolioa, gas naturala...) gure inguruneak eskaintzen dizkigun biomasarengatik ordezkatzea eta, aldi berean, bertako ekonomia sustatzen duten proiektuak bultzatzea». Horregatik eskatu diote azterketa Goienerri, «ordezkapen hori ebaluatu dezan».
Goizuetako Udalak herritarrei galdetegia betetzeko deia ere egin die, «herrian dagoen eskaria neurtu eta azterketan lortzen diren emaitzak ahalik eta zehatzenak izan daitezen herritar guztion laguntzarekin».