Areson festarik bada, otordurik ezin da falta eta aurtengo herriko festetan ere halaxe izango da. Abuztuaren 14an, guraso elkarteak antolatutako afariarekin hasiko dituzte mahaiaren bueltako bilkurak. Azken urteetan bertaratzen zirenek momentuan ordaindu izan dute afaria, baina aurten txartelak aldez aurretik erosi beharko dituzte. Sastinean eskura daitezke: Haurrek (6-16 urte) 13 euro eta helduek 22 euro ordaindu beharko dituzte. Afaritarako zopa, entsalada, txekor saiheskia, postrea, kafea, pastak eta kopa izango dituzte. Txartelak erosteko azken eguna abuztuaren 6a izango da.
Abuztuaren 16ko herri bazkarira joateko txartelak ere abuztuaren 6rako erosi beharko
dira. Aurten ere, Sarayola kateringa arduratuko da. Helduek 30 euro ordaindu beharko dituzte eta haurrek (3-12 urte) 13 euro. Bazkalondoan Alaia Martin eta Joanes Illarregi ariko dira bertsotan.